Mykje liv og (svele)røre!
Hundrevis av sveler og konkurranse for store og små. Det var full aktivitet
på standen til Gravdalgruppa i samband med Bystien Førde Opp.
GJEKK UNNA: Svelemeister Leif- Helge Birkeland steikte sveler non stop gjennom heile dagen.
Sentral plassering, hammerslag og herleg duft av nysteikte sveler lokka mange til Gravdalgruppa sin stand ved Langebrua. Leif-Helge Birkeland stod for storproduksjonen av sveler. Den spesielle steikeplata Teppan Yaki fungerte ypperleg til føremålet. Ei slik plate var også premien i Gravdal-Quizen der fleire hundre prøvde seg på å finne riktige svar.
SKAL DET VERE EI LEILEGHEIT? Dagleg leiar Bodil Kidøy Lunde fekk vist fram mange av våre spennande bustadprosjekt. Her saman med Magne Kongsvik.
Inn i mellom premieutdeling og kaffiservering fekk dagleg leiar Bodil Kidøy Lunde tid til å presentere både tomter og leilegheiter til potensielle kjøparar.
SPIKER OG SVELER: Hammarslag og smaksprøver trekte mykje folk til standen vår.
Etter ein klissvåt start på dagen, vart himmelen lettare og det var gløtt av sol. Kjekt for både arrangørar og publikum!
YRANDE FOLKELIV: Bystien Førde Opp samlar mykje folk i Førde sentrum, både aktive, mosjonistar og tilskodarar.
VED LØYPA: Vi hadde orkesterplass då utøvarane i konkurranseklassen kom susande forbi.
HANDY? Ordførar Olve Grotle var òg innom Gravdal-standen og testa snikkar-ferdigheitene sine.
BANK-BANK: Spikre-konkurransen var eit populært innslag for dei minste.